TERUGVOER OOR INSPEKSIEMAGTIGHEDE VAN NEJAHMOGUL

Tydens die regsuitspraak op 23 Februarie 2021 is Nejahmogul se fooie onwettig verklaar en met koste van die hand gewys. Nejahmogul is dus nog steeds die gemagtigde aangestel oor suiwel onder die Wet op Landbouprodukstandaarde (119 van 1990), maar beskik tans oor geen fooie wat dit kan hef vir dienste wat dit sou lewer nie. Dit kan ook nie betaling van fakture vir dienste voor die hofuitspraak eis nie.

Nejahmogul se aanstelling is slegs van toepassing op verwerkers en vervaardigers van melk en melkprodukte, nagemaakte suiwel en roomysprodukte. Dit het dus geen jurisduksie oor rou melk bestem vir verdere verwerking nie. Sou ‘n produsent rou melk direk vir menslike gebruik verkoop (waar dit wetlik toelaatbaar is), dan val dit wel onder R1510/2019 wat Nejahmogul moet toepas. Produsente Distribueerders (PD’s) is ook onderhewig aan dieselfde regualsie.

Dus:

• Produsente wat slegs rou melk aan melkkopers lewer is uitgesluit.
• Produsente wat rou melk direk vir menslike verbruik verkoop asook PD’s wat melk prosesseer en produkte soos maas vervaardig is onderhewig aan inspeksies deur Nejahmogul.
• Nejahmogul het tans geen wetlike fooie wat afgekondig is nie en dit is onwaarskynlik dat hul huidiglik enige inspeksies sal kan doen.
• Dit is belangrik om daarop te let dat Nejahmogul steeds gemagtig is om inspeksies uit te voer, maar dit sal vir sy eie rekening wees.
• Melk SA se verteenwoordigers en prokureur is reeds van 13 Mei 2021 besig met opvolg vergaderings as deel van die “PAJA” proses met Departement Landbou en Nejahmogul om ‘n deursigtige en wetlik regmatige proses af te dwing, voordat Nejahmogul dit enigsens kan oorweeg om fooie af te kondig.
• Dit word aanbeveel dat produsente via MPO myself skakel sou daar enige aksies tans van Nejahmogul aan die gang is. Ek sal graag wil weet van insidente waar produsente deur Nejahmogul gekontak is (buite hul mandaat), aangesien ons graag inligting van wanpraktyke sal wil ondersoek.
• Produsente word ook aangeraai om versigtig te wees met besoekers wat hulself sal voorhou as aangesteldes van die department sonder enige magtigingsdokumente en afsprake.

Skakel gerus as daar enige verdere vrae is.

Groete,

Jompie Burger

Besturende direkteur

DAIRY STANDARD AGENCY

TEL: +27 (12) 665 4250

FAX: +27 (12) 665 3895

CELL: 083 9663827

E-mail: jompie@dairystandard.co.za