Mediaverklaring: vir onmiddellike vrystelling
Die Melkprodusente-organisasie (MPO) het op Woensdag 20 Mei sy eerste virtuele mediadag via ’n Zoom webinaar aangebied. Dr. Chris van Dijk, uitvoerende hoof van die MPO, het die deelnemers verwelkom, en Philip Swart, bestuurder van MPO lededienste, het opgetree as program-koördineerder en die huisreëls vir die virtuele sessie verduidelik.
Die MPO gedurende die COVID-19-grendeltyd
Dr. Van Dijk het ’n kort oorsig gebied oor die MPO se inisiatiewe en aktiwiteite afgesien van die normale daaglikse verpligtinge gedurende die COVID-19-pandemie en die gevolglike inperkingstyd. Die MPO deel inligting met die Nasionale Melkprodusentefederasie, die Internasionale Suiwelfederasie, Dairy Australia, en Dairy New Zealand. Hy het die deelnemers verseker dat die suiwelgemeenskap steeds daaraan toegewy is om die veilige, gesonde en heerlike produkte te produseer waaraan verbruikers gewoond is.
As ’n noodsaaklike diens ingevolge die grendeltydregulasies maak die MPO deel uit van die Minister van Landbou se taakspan en die Agri SA taakspan wat die stem verteenwoordig van die melkbedryf, wat toesien dat permitte uitgereik word en wat ononderbroke vervoer van produkte en beeste verseker. Die MPO help via ons verskillende kommunikasieplatforms met die toepassing van COVID-19-protokol op plase, ondersteun navorsings- en ontwikkelingsprogramme, en deel COVID-19-verwante inligting, asook inligting oor die voordele van melk.
Turbo-aangejaagde markseine is die sleutel tot sukses
Bertus van Heerden, hoofekonoom van die MPO, het ’n ekonomiese oorsig oor die suiwelbedryf gebied en gesê die die primêre landbou bly ’n beleggersklas bate. Hy het gekyk na internasionale kommoditeitsprysbepaling en ’n uiteensetting gegee van die melkbedryfkonteks te midde van die Suid-Afrikaanse ekonomie.
Volgens Van Heerden sal die MPO se ekonomiese lessenaar fokus op die optimering van die vloei van inligting regdeur die suiwelwaardeketting, asook die bekendstelling van die kwaliteite van melk ten einde die mark te laat groei in ooreenstemming met die vraagelastisiteit van die produk. Die MPO doen ook voorspraak vir die beweging van voorraad gedurende die komende paar maande.
Die MPO Nedbank Rentmeesterskap-toekennings
Barbara Bieldt, bestuurder van reguleringsdienste en rentmeesterskap, het ’n aanbieding gedoen oor die jaarlikse Rentmeesterskap-toekennings. Rolspelers in die bedryf word uitgenooi om nominasies in te dien vir die MPO Nedbank Rentmeesterskap-toekennings 2020 in samewerking met die Wêreldnatuurfonds (WWF) en The Dairy Mail. Indien u weet van ’n melkboer wat die toonbeeld is van ’n goeie suiwel-rentmeester, nomineer hom of haar in die vierde jaarlikse kompetisie vir Rentmeesterskap-toekennings. Die wenner en naaswenner sal aangekondig word by die jaarlikse MPO-galageleentheid op 4 November. Nedbank borg pryse ter waarde van R80 000: R40 000 vir die wenner, R30 000 vir die naaswenner, en R10 000 vir die derde plek vir besteding op die plaas ten einde rentmeesterskap-doelwitte te bereik.
Wêreldmelkdag 2020
Wêreldmelkdag vestig die aandag op melk en melkprodukte en bring hulde aan ’n produk wat soveel meer is as net die som van sy voedingstowwe. Dit is ’n hoogtepunt op die MPO se kalender en word rondom 1 Junie met verskeie geleenthede gevier. Die MPO maak van hierdie geleentheid gebruik om erkenning te gee aan ons melkboere wat dikwels onder moeilike omstandighede ’n veeldoelige, gesonde en voedsame produk produseer en so ’n belangrike bydrae lewer tot Suid-Afrika se voedselsekuriteit en die Suid-Afrikaanse ekonomie. Vanjaar doen die MPO dinge ’n bietjie anders vanweë die COVID-19-pandemie en die inperkingsmaatreëls wat van krag is. In noue samewerking met Melk SA se Verbruikersopvoedingsprojek sal die MPO gasheer speel vir ’n aantal virtuele aktiwiteite, waarvan sommige reeds op sosiale media geloods is onder #SAlovesmilk.
Kennis is mag
Helene Pheiffer, bestuurder van die MPO Opleidingsinstituut, het inligting verskaf oor die aanlynkursusse wat gedurende die grendeltyd sal plaasvind. Die MPO-Instituut se eerste aanlyn Zoom-opleiding handel oor die biosekuriteit-bestuursprogram en sal deur dr. Chris van Dijk aangebied word. Daar sal twee sessies wees: op 18 en 19 Junie en weer op 6 en 7 Julie.
Die MPO Instituut het ook ’n aanlynleerplatform vir boere en plaaswerkers ontwikkel en die eerste aanlynkursus, gebaseer op die grootmaak van kalwers en verse, voeding en gesondheidsorgprogramme, word in Julie geloods. ’n Aanlynplatform kan nie die waarde van persoon-tot-persoon- of plaasopleiding repliseer nie, maar dit kan nuwe ervarings en vaardighede skep vir ’n mengsel van opleidingsgeleenthede.
In opvolging van die sukses van die sensoriese suiwelevaluasiekursus wat vroeër vanjaar op Elsenburg aangebied is, sal die MPO-Instituut ook op 24 Julie ’n twee uur lange webinaar aanbied oor die sensoriese evaluasie van kaas.
Die Dairy Mail-span ondersoek reeds geruime tyd verskeie platforms om hul digitale strategie te ontwikkel en hul aanbod van gedrukte en digitale produkte te integreer. Die bekendstelling van The Dairy Mail se progressiewe webtoepassing is net die volgende stap in hul reis na bemarkingsoutomatisering, en sal op ’n baie meer doeltreffende wyse die weg open vir bemarking aan die regte gehoor op die regte tyd.
Die huidige beperkende omstandighede het hul ontwikkelingsfase baie sterk versnel, en die ontwikkelingspan het letterlik binne 40 grendeldae die toepassing gebou en die Mei-uitgawe daarin gepubliseer. Die doel is om die leser se ervaring te verryk deur die gebruik van kunsmatige intelligensie.
Samevattende opmerkings deur die nasionale voorsitter van die MPO
“Dankie vir die positiewe publisiteit wat die boerderygemeenskap ontvang op Facebook, Twitter en selfs in die nuus. Die MPO en melkboere is dankbaar vir die fokus en klem op positiewe nuus. Die nuwe toepassing is gebruikersvriendelik en die opleiding gaan mense makliker toegang gee om hul opleiding uit te brei en hul vaardighede te slyp,” het Colin Wellbeloved gesê.
“Deur Wêreldmelkdag moedig ons verbruikers aan om ons produk bo ander te kies wat voedingswaarde betref. Melk is ook goeie waarde vir geld. Projek een is ’n fantastiese inisiatief, en ons bedank almal vir die grootse poging van koördinering tussen boere en verwerkers ten einde ons produk te stuur na diegene wat dit die nodigste het. Wat die ekonomiese perspektief betref, kom ons berei ons voor vir die ergste en hoop dat dit nooit ’n werklikheid sal word nie.”
Uitgereik namens die MPO
Published on Wednesday, 27th May 2020 - 10:15
disclaimer
Cookie | Duration | Description |
---|---|---|
cookielawinfo-checkbox-analytics | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Analytics". |
cookielawinfo-checkbox-functional | 11 months | The cookie is set by GDPR cookie consent to record the user consent for the cookies in the category "Functional". |
cookielawinfo-checkbox-necessary | 11 months | This cookie is set by GDPR Cookie Consent plugin. The cookies is used to store the user consent for the cookies in the category "Necessary". |
cookielawinfo-checkbox-others | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Other. |
cookielawinfo-checkbox-performance | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Performance". |
viewed_cookie_policy | 11 months | The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data. |