Die jaarlikse Landbou Navorsingsraad (LNR) se Nasionale Meester Suiwelboer toekenningsgeleentheid is op Woensdag 21 Oktober 2020 as ‘n virtuele geleentheid aangebied deur Agri-Expo, namens die Nasionale Melkaantekening- en Verbeteringskema van die LNR. Die gesogte kompetisie vier Suid-Afrika se beste kommersiële en kleinskaal presteerders in die bedryf en word deur verskeie sleutelrolspelers as ‘n hoogtepunt op die land se landboukalender beskou.
Die toekenningsgeleentheid is geopen deur dr Shadrack Moephuli, LNR-President en uitvoerende hoof. Hy het die belangrikheid van voortgesette belegging in navorsing en ontwikkeling beklemtoon, om tegnologies gevorderde instrumente vir die verbetering van diere te verseker, veral vir doeltreffende seleksie en teling in ‘n era van verhoogde landbourisiko’s. Dr Moephuli het erkenning gegee aan die aanpasbaarheid en innovasie van suiwelboere in die lig van daaglikse uitdagings soos ‘n verminderde vraag as gevolg van die Covid-19-pandemie inperking. “Droogte het boere gedwing om na alternatiewe produksiestelsels te kyk en die teling van droogtebestande voerkultivars het ‘n prioriteit geword,” het dr Moephuli gesê.
Volgens dr Jakkie du Toit, Navorsingsbestuurder van die LNR Melkaantekening- en Verbeteringskema, is die doel van die Meester Suiwelboer kompetisie om erkenning te gee aan die land se beste presteerders in die teel van geneties uitstaande diere, met behulp van prestasie-opname en prestasietoetsing as instrumente. Wenners word in verskeie kategorieë bekroon.
Die wenners van vanjaar se LNR se Meester Suiwelboer Toekennings is:
- LNR Nasionale Meester Suiwelboer van die Jaar 2020:
PE Loubser (Johannes Loubser), Durbanville, Wes-Kaap
LNR Nasionale Meester Suiwelboer van die Jaar 2020: Breyton Milford (Operasionele bestuurder van Agri-Expo), Johannes Loubser (PE Loubser, Durbanville, Wes-Kaap) en dr Jakkie du Toit (Navorsingsbestuurder van die LNR Melkaantekening- en Verbeteringskema). Foto: Agri-Expo
- LNR Nasionale Kleinskaal Meester Suiwelboer van die Jaar 2020:
MJ Zim (wyle Jan Zim), tussen Harrismith en Kestell, Vrystaat
LNR Nasionale Kleinskaal Meester Suiwelboer van die jaar 2020: Dr Andrew Magadlela (LNR Groep Bestuurder: Diere Wetenskappe), wyle Jan Zim en Nompe Ida Zim (MJ Zim, Kestell, Vrystaat), en prof Norman Maiwashe (LNR-Hoofbestuurder: Diereproduksie) by die 2019-toekenningsfunksie. Foto: Landbouweekblad
- LNR Spesiale toekenning vir innoverende ontwikkeling deur ‘n Suiwelprodusent van die Jaar 2020:
Fort Hare Dairy Trust, Alice, Oos-Kaap
LNR Spesiale toekenning vir innoverende ontwikkeling deur ‘n suiwelprodusent van die jaar 2020: Mmaphuti Setati (Adjunkdirekteur: Diereverbetering, Departement van Landbou, Grondhervorming en Landelike Ontwikkeling), Jeanet Rikhotso (Fort Hare Dairy Trust, Alice, Oos-Kaap) en Riaan van der Walt (Meadow Feeds) by die 2019-toekenningsfunksie. Foto: Landbouweekblad
- LNR Nasional Kudde met die beste somatiese seltelling 2020:
E Zeeman (Etienne Zeeman), Swellendam, Wes-Kaap met 155 000 selle / ml
LNR Nasionale kudde met die beste somatiese seltelling 2020: Dr Andrew Magadlela (LNR-Groepbestuurder: Diere Wetenskappe), Etienne Zeeman (E Zeeman, Swellendam, Wes-Kaap) en Joel Mamabolo (Direkteur: Diereproduksie, Departement van Landbou, Grondhervorming en Landelike Ontwikkeling) by die 2019-toekenningsfunksie. Foto: Landbouweekblad
- LNR Nasionale kudde met die beste tussenkalfperiode 2020:
Tweekop Boerdery (Pieter Steenkamp en Dirk van Papendorp), Swellendam, Wes-Kaap met ‘n tussenkalfperiode van slegs 376 dae
LNR Nasionale kudde met die beste tussenkalfperiode 2020: Pieter Steenkamp, Dirk van Papendorp en Arno Steenkamp (Tweekop Boerdery, Swellendam, Wes-Kaap). Foto: Landbouweekblad
Dr Andrew Magadlela, LNR Groepbestuurder: Diere Wetenskappe, het in sy bedanking erkenning gegee aan die strategiese vennote van die geleentheid, insluitend Mooketsa Ramasodi, Adjunkdirekteur-generaal (DDG): Landbouproduksie, gesondheid en voedselveiligheid, en die Departement van Landbou, Grondhervorming en Landelike Ontwikkeling, Nova Feeds, Meadow Feeds, Afgri Feeds, Allflex, Warwick Estate, OK Foods, Darling Romery en Vredenheim Wines.
Belangstellendes kan steeds die virtuele toekenningsgeleentheid kyk by www.livestock.org.za/arcmasterdairymanawards.
Die LNR se Nasionale Melkopname- en Verbeteringskema speel ‘n kritieke rol in die suiwelbedryf deur die verskaffing van genetiese verbeteringsdienste, wat geakkrediteer is deur die Internasionale Komitee vir Diereopname. Die doel van die skema is om die volhoubaarheid en winsgewendheid van produksie te verbeter, wat uiteindelik bydra tot voedselsekerheid, werkskepping en die ontwikkeling van menslike kapitaal. Vir meer inligting, kontak dr Jakkie du Toit by dtoitj@arc.agric.za of 021 809 3515.
Die finaliste in die onderskeie kategorieë was:
LNR streeksfinaliste vir kleinskaal Meester Suiwelboer van die jaar 2020
- Loyiso Consultants Projects, Kokstad, KwaZulu Natal
- MJ Zim, Kestell, Vrystaat
LNR streeksfinaliste vir Meester Suiwelboer van die Jaar 2020
- JK Basson Familie Trust, Darling, Wes-Kaap
- Rhodes Food Group, Simondium, Wes-Kaap
- PE Loubser, Durbanville, Wes-Kaap
- Sieberhagen & Seuns, Cradock, Oos-Kaap
- Robertson Broers, Karatara, Wes-Kaap
- Foundation Jersey Farm, Weenen, Kwazulu Natal
- JF Theron, Barrydale, Wes-Kaap
- J & H Sieberhagen, Cradock, Oos-Kaap
- JJ Nel Familie Trust, Ladismith, Wes-Kaap
- HJ Rall, Barrydale, Wes-Kaap
- RB Redelinghuys Jnr, Heidelberg, Gauteng
- Keyser Boerdery, Heidelberg, Wes-Kaap
- Fredskraal Holsteins, Port Elizabeth, Oos-Kaap
- E Zeeman, Swellendam, Wes-Kaap
- Tweekop Boerdery, Heidelberg, Wes-Kaap
- Drie Susters, Durbanville, Wes-Kaap
- Fort Hare Dairy Trust, Alice, Oos-Kaap
Uitgereik namens die die Nasionale Melkaantekening- en Verbeteringskema van die LNR deur
Isabeau Botha
Korporatiewe Kommunikasiebestuurder
Agri-Expo
021 975 4440/072 247 5868
Published on Friday, 23rd October 2020 - 05:48
Recent Posts
disclaimer